×

Live on

रेडियो अर्थ सरोकार

Listen to live radio.

मापसेमा पर्दा मान्य’ज्यू झण्डै….

GLOBAL IME BANK

मापसेमा पर्दा मान्य’ज्यू झण्डै….

२७ आश्विन २०७२, बुधबार

पढ्न लाग्ने समय: १ मिनेटभन्दा कम

संविधान जारी भएको खुशियालीमा मापसे गरी हिँडेका एक सभासद् ढिस्कोबाट लडेर घाइते भएका छन् । नक्सालस्थित पूर्वकलाकार तैयव साहको तबेला रेष्टुरेण्टमा जमघटपछि डेरा फर्किएका सिन्धुली–२ का सांसद मोहन बरालले यस्तो नियति भोग्नुपरेको हो । १५ वर्ष रक्सी पिउन छाडेका उनले अघिल्लो मंगलबार सेतो रम, पुदिनाको पात, बरफ र चिनी मिसाएर मोजितो पिएका थिए । लामो अन्तरालपछि गुलियो मिसाएर खाँदा झ्याप्प हुने भइहाल्यो । त्यहाँबाट दाङका सांसद दीपक गिरीले कोटेश्वरसम्म लगेर छाडिदिए र सरिता प्रसाईंसँग बूढानीलकण्ठतर्फ लागे । तर, मेरो घर यहीँ त हो नि भन्दै लोकन्थलीतर्फ पैदल लागेका माननीय बराल डाँडाको रोडबाट १५ मिटर तल नालीमा धसारिए जसले गर्दा गालामा चोट छ भने चस्मा पनि फुटेको छ । त्यही बाटो घर फर्कंदै गरेका पत्रकार मकर श्रेष्ठले अँध्यारो नालीमा घोप्टो परेका सांसदलाई देखेपछि बल्ल प्रहरीले घटनाबारे थाहा पाएको हो । त्यहाँबाट पनि उठेर अर्धबेहोसीको हालतमा घर पुगेका उनलाई परिवारले उपचारार्थ नर्भिक अस्पताल पु¥याएको थियो । सांसदको फोनसेट अहिलेसम्म पनि भेटिएको छैन भने गोजीको ९ हजार सही सलामत पाइएको छ । कांग्रेसले यसलाई सांघातिक आक्रमणको संज्ञा दिए पनि अर्थ मन्त्रालयअन्तर्गत कार्यरत सांसदका भाइले चाहिँ यो विशुद्ध नशाको उपज हो भनेका छन् । यसबीच डा. रामशरण महतले जातेजाते भरमार हेरफेर गरेका छन् । उपसचिवबाट बढुवा हुनासाथ ठूला करदाता कार्यालयको जिम्मेवारी भेटेका शंकर खरेललाई मन्त्रालयको प्रशासन हेर्ने काममा खटाएका छन् । प्रशासन प्रमुख तथा कांग्रेसनिकट कर्मचारी संघका अध्यक्ष डिल्ली शिवाकोटीलाई अख्तियार लागेपछि उनैका उपाध्यक्ष खरेललाई अर्थमा पनि उत्तराधिकारी तोकिएको हो । १ नम्बर कर कार्यालय बबरमहलमा कार्यरत शोभाकान्त पौडेललाई ठूला करदाता सेवा कार्यालयमा पु¥याएका छन् । असोज मसान्तसम्म बाबुराम श्रेष्ठको पदावधि रहँदा रहँदै वाणिज्य बैंकका अध्यक्ष रेवतबहादुर कार्कीलाई नेपाल धितोपत्र बोर्डको अध्यक्षमा लगेका छन् । यसैगरी, शिक्षा सेवा आयोग, गरिबी निवारण कोषको सञ्चालक समिति, विद्यार्थी वित्तीय सहायता कोषमा पनि ४ वर्षे नियुक्तिका निम्ति दाउ हेरिँदै छ । २२ भाइ भ्रष्टाचारी भनेर अख्तियारद्वारा डामिएका रामकृष्ण तिवारी र पुरी थरका पियनले ज्ञानेन्द्र ढकाललाई राजस्व अनुसन्धान पथलैयाका निम्ति नियुक्ति दिलाएर लगेका छन् । १ नम्बर कर कार्यालयमा चन्द्रकला पौडेल, २ नम्बरमा बल्लबल्ल अर्जुन पोखरेल, राजस्व अनुसन्धान विभागको प्रमुखमा रामशरण चिमोरिया र उपप्रमुखमा अर्थका प्रशासन प्रमुख निर्मलहरि अधिकारीलाई लगिएको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: