×

Live on

रेडियो अर्थ सरोकार

Listen to live radio.

BREAKING NEWS :मोदी ठूलो संकटमा- आफ्नै घरमा पार्टीका नेताको हत्या, अनिश्चितकालिन कर्फ्यू लगाइयो

GLOBAL IME BANK

BREAKING NEWS :मोदी ठूलो संकटमा- आफ्नै घरमा पार्टीका नेताको हत्या, अनिश्चितकालिन कर्फ्यू लगाइयो

१८ आश्विन २०७२, सोमबार

पढ्न लाग्ने समय: १ मिनेटभन्दा कम

नेपालमा नाकाबन्दी लगाइरहेको भारतका प्रधानमन्त्री नरेन्द्र मोदी ठूलो संकटमा फसेका छन् ।

नेपालको संविधानमा असन्तुष्टि जनाएर संशोधन गर्न सुझाव दिने मोदी आफ्नो गृहनगर गुजरातमा भड्किएको हिंसा रोक्न असफल हुने चिन्ताले पद नै शंकटमा परेको भारतीय सञ्चार माध्यमले टिप्पणी गरेका छन् ।

गुजरातमा भड्किएको हिंसाकै कारण मोदीका एक नेताको उनको घर नजिकै हत्या भएको छ । स्थानीय युवाहरुले भारतीय जनता पार्टीका महामन्त्री ४५ वर्षीय कपूरचन्द ठाकरेलाई कुटेर हत्या गरेको समाचारमा जनाइएको छ ।

मध्यराति दुई युवाको कुटपिटबाट घाइते ठाकरेको आइतबार उपचारका क्रममा नागपुरको निजी अस्पतालमा मृत्यु भएको थियो । यो घटनापछि गुजरातको सिवनीको जिल्लाको बरघाट सहर तनावग्रस्त बनेको छ ।

आफ्ना नेताको हत्या भएपछि सिवनी जिल्लाका गाउँ गाउँबाट कार्यकर्ता बरघाट पुगेर प्रदर्शनमा उत्रिएका छन् । आक्रोशित कार्यकर्ताले सिवनी जिल्ला कलेक्टरको कारमा तोडफ़ोड गरेर जलाइदिएका छन् । स्थिती नियन्त्रण बाहिर गएपछि स्थानीय प्रशासनले बरघाट बजारमा सोमबार बेलुकादेखि अनिश्चितकालका लागि कर्फ्यू लगाएको छ ।

बरघाट पुलिस थाना प्रमुख गनपत सिंहले बरघाटदेखि उत्तर-दक्षिण, पूर्व पश्चिममा २२ किलोमिटर दुरीमा अनिश्चितकालिन कर्फ्यू जारी गरिएको बताए । आफ्ना नेताको हत्या भएपछि आक्रोशित कार्यकर्ताले सडकमा उत्रिएर सोमबार साँझै बरघाट नगरको पुरै बजार बन्द गराएका थिए ।

सिवनी जिल्लाका प्रहरी प्रमुख अधिक्षक आरपी सिंहले भाजपा महामन्त्री ठाकरेको हत्यामा संलग्न दुई युवालाई पक्राउ गरी अनुसन्धान थालिएको जानकारी दिए । र स्थिती सामान्य बनाउन सार्वजनिक आम नागरिकलाई सार्वजनिक रुपमै प्रशासनले अपील गरेको बताए ।

यो विषयमा मोदी केही बोलेका छैनन् । यसअघि पनि गुजरातमा पटेल समुदायले आन्दोलन गरेको थियो । जसका अगाडि मोदी सरकार झुकेको थियो । (एजेन्सीको सहयोगमा)

दैनिकनेपालबाट

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: