काठमाडौं । चीन सरकारले नेपाल सरकारलाई बारम्बार पेट्रोलियम पदार्थ आपूर्तिको लागि ठोस प्रस्ताव ल्याउ भनिरहेको छ । चीनले काठमाडौंबाट नजिक रहेको बनेपासम्म ल्याइ दिने प्रस्ताव गरेको एक हप्ता भए पनि सरकार अनिर्णयबन्दी भएको छ ।
चीनको उपयुक्त प्रस्ताव नेपाल सरकारले नसुने झै गरी आफ्नो दूतलाई दिल्ली दौडाहमा पठाइरहेको छ । यसले चीन सरकारलाई नटेरेको तथा कम महत्व दिएको बुझिन्छ एक जना परराष्ट्रविदले आजभोलिलाई जानकारी दिए ।
वर्तमान प्रधानमन्त्री केपी ओली तथा एमाओवादीका अध्यक्ष सरकारमा जानु भन्दा पहिले चीनबाट ल्याउनु पर्ने धारणा राख्दै आइरहेका थिए । तर ओलीले सरकारको नेतृत्व समालेपछि चीनबाट तेल ल्याउन कुनै ठोस पहल गरेको देखिदैन् ।
सरकारका पछिल्ला कदमहरुलाई नियाल्दा ओली सरकार दिल्लीसँग डराएको देखिन्छ । बरु निवर्तमान प्रधानमन्त्री सुशील कोइरालाले चीनबाट तेल ल्याउन ग्लेबल टेण्डर खोलेका थिए । तर ओली सरकारले ग्लोबल टेण्डरको निर्णय समेत गर्न सकेको छैन ।
भारतपरस्त आरोप लाग्दै आएको ओली अब व्यवहारमै प्रमाणीत हुने अवस्था आएको जानकारको बुझाइ रहेको छ ।
