काठमाडौं । सरकारले जनकपुर चुरोट कारखानाले नेपाल बैंकलाई तिर्नुपर्ने करिब ३५ करोड ऋण तिरिदिने भएको छ । २० वर्षदेखि जनकपुर चुरोट कारखानाले तिर्न नसकेको सो ऋण सरकारले तिर्ने भएको हो ।
सरकारले उक्त ऋण भुक्तानी गर्ने सम्बन्धमा नेपाल बैंक र अर्थमन्त्रालयबीच केही दिनअघि सहमति भएको बैंकका प्रमुख कार्यकारी अधिकृत देवेन्द्रप्रताव शाहले जानकारी दिएका छन् ।
सहमतिअनुसार सरकारले यही पुस महिनाभित्र उक्त रकम बैंकलाई भुक्तानी गर्ने उनले बताए । बैंकले सरकारलाई कुल ब्याजको ८५ प्रतिशत रकम छुट दिने सहमतिसमेत भएको छ । नयाँ पत्रिकाबाट
