काठमाडौं/ ५१ प्रतिशतले नाफा वृद्धि गरेको चौथो त्रैमाशको अपरिस्कृत वित्तीय विवरण प्रकाशित गरेर आश्चर्यचकित बनाएको सिटिजन्स बैंक इन्टरनेशनलले बैंकको प्रतिशेयर आम्दानीमा भने लगानीकर्तालाई छक्याएको छ ।

बैंकको ३ अर्ब ६५ करोड रुपैयाँ चुक्ता पुँजी पुगिसक्दा पनि प्रतिशेयर आम्दानी अनुपातअनुसार भने ३५ दशमलव ५६ रहेको देखाएको छ । यो अनुपातले बैंकको प्रतिकित्ता बराबर ३५ रुपैयाँ ५६ पैसा आम्दानी भएको देखाउँछ ।

तर, बैंकको प्रतिशेयर आम्दानी २९ रुपैयाँ ८५ हुनु पर्दछ । हकप्रदसमेत जोड्दा पुग्ने ५ अर्ब ३९ करोड चुक्ता पुँजीको आधारमा बाँकी रहेकोले यो अनुपात थप घट्ने देखिन्छ । यस्तो कमाई घटेर २० प्रतिशतमा सीमित हुन्छ । 

प्रतिशेयर आम्दानीमा गल्ती दखाएर बैंकले मूल्य आम्दानी अनुपात  (पीइ रेइयो ) लाइ पनि घटाएको छ ।वास्तविक प्रतिशेयर आम्दानी २९ रुपैयाँ ८५ पैसाको आधारमा पीई रेसियो २२ हुनुपर्छ । तर, बैंकले यो अनुपात पनि घटाएर १९ पुर्याएको छ । हकपद शेयर जारी भइसकेकाले  यसको आधारमा हेर्दा पीई रेसीयो ३३ पुग्ने देखिन्छ ।

लगानी गर्न पीई रेसियो  २० देखि  २५ को हाराहारीमा  भएको कम्पनी उपयुक्त मानिने विश्लेषण गरिन्छ । प्रतिशेयर आम्दानी निकाल्ने सर्वमान्य सिद्धान्त भनेको भएको नाफालाई शेयर संख्याले भाग गर्ने हो । यसले वार्षिक प्रतिशेयर आम्दानी निस्कन्छ ।

त्रैमाशिक प्रतिशेयर आम्दानी निकाल्न केही फरक तरिका पनि हुन्छन् । तर, बैंकको वित्तीय विवरण चौथो त्रैमाशको भएको कारण वार्षिक प्रतिशेयर आम्दानी नै निस्कनु पर्नेमा बैंकले यसमा ठगी गरेर लगानीकर्तालाई झुक्याएको छ । यी अनुपातहरू शेयर लगानीको लागि विशेष ध्यानमा राखिने चलन छ । बैंकको चुक्ता पुँजी वृद्धिसँगै लाभांश क्षमता पनि घट्ने देखिएको छ ।

 बैंकको अहिले प्रस्तुत चक्ता पूँजीको आधारमा यही नाफाबाट लाभांश क्षमता करीब २४ प्रतिशत देखिए पनि हकप्रदको रकम जोडिदा यो क्षमता १६ प्रतिशतमा झर्छ । बैंकमा यसअघिको सञ्चितीले भने लाभांश दरमा फरक पर्न सक्छ । आजको शेयर बाजार साप्ताहिकमा खबर छ ।