×

Live on

रेडियो अर्थ सरोकार

Listen to live radio.

सत्ताबाट हटेपनि एमालेको नयाँ टिभी आँउदै, विजय पौडेलको नाममा टिभी खोल्दै एमाले

GLOBAL IME BANK

सत्ताबाट हटेपनि एमालेको नयाँ टिभी आँउदै, विजय पौडेलको नाममा टिभी खोल्दै एमाले

३१ असार २०७३, शुक्रबार

पढ्न लाग्ने समय: १ मिनेटभन्दा कम

काठमाडौँ – एबिसी टेलिभिजनलाई नेकपा(एमाले) निकटका पत्रकारहरुले आफ्नै बाउको च्यानल भन्दै खिसी टिउरी गर्दथे । माओवादीले संस्थागत रुपमा सो टिभी चलाएको त होइन तर एमाले निकटका पत्रकारको उक्त टिप्पणी यर्थाथ भन्दा फरक थियो ।
तर पछिल्लो पटक एमालेले अब आफ्नै लगानीमा टेलिभिजन चलाउने भएको छ । आफ्नै हात जगन्नाथ भने जस्तै सूचना तथा सञ्चार मन्त्री आफ्नै नेता भएको बेला मन्त्रालयबाट एमालेका पोलिटव्यूरो सदस्य डा विजय पौडेलले जनता टेलिभिजनको नाममा एमालेको टेलिभिजन दर्ता गराएका छन् ।
उनले एमालेको संस्थागत निर्णयका आधारमा टेलिभिजन दर्ता गराएको बताइएको छ । हाल सञ्चालनमा रहेका अधिकाशं टेलिभिजनले नेपाली काँग्रेस र माओवादीको मात्र पक्षपोषण गरेको, आफूहरुलाई साथ नदिएको भन्दै एमालेले संस्थागत रुपमा नै टेलिभिजन सञ्चालन गर्ने र आफ्नो धारणा संस्थागत गर्ने एवम् त्यसलाई प्रचार प्रसार गर्ने लक्ष्य राखेको छ ।
केपी ओलीले नै टेलिभिजन दर्ता गर्न लगाएको बुझिएको छ । दर्ता नं १२२–०७२/७३ मा दर्ता गरिएको जनता टेलिभिजनको कार्यालय भने बागबजारमा रहने उल्लेख गरिएको छ ।
सूचना तथा सञ्चार मन्त्रालयबाट अनुमति पाएपछि मोदनाथ प्रश्रितका छोरा समेत रहेका विजय पौडेलले फेसबुकमा लेखेका छन् । सबै न्यायप्रेमी नेपाली जनतालाई नमस्कार ।
श्री माइलस्टोन प्रकाशन तथा प्रसारण कम्पनीले जनता टेलिभिजन जेटिभी सञ्चालन गर्ने अनुमति प्राप्त गरेको छ । माननीय सञ्चारमन्त्री, सचिवज्यू र समस्त राष्ट्र सेवकलाई धन्यवाद । जेटिभीलाई जनताको सच्चा मित्रको रुपमा हुर्काउने र अगाडि बढाउने काममा सबै साथीहरुको सबै जनताको दरिलो सहयोग सहयोग चाहन्छु ।
आफ्ना धारणालाई जनतासम्म पु¥याउने भन्दै एमाले नेता पौडेलले एमाले टेलिभिजन सञ्चालनमा ल्याउन लागेका हुन् । आफ्नो पक्षमा प्रचार गर्ने कुनै पनि टेलिभिजन नभएको भन्दै एमालेले लामो समयदेखि आफ्नै टेलिभिजन सञ्चालनमा ल्याउने तयारी गर्दै आएको थियो । आजको जनआह्वान साप्ताहिकमा खबर छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: