काठमाडौं–भूकम्पपीडितको नामममा सरकारले ब्रम्हलुट गर्ने गरी नयाँ ट्याक्सी दर्ताको आहृवान गरेको भन्दै नेपाल मिटर ट्याक्सी व्यवसायी संघले तत्काल निर्णय फिर्ता लिन माग गरेको छ । संघले सरकारले निर्णय फिर्ता नलिए आन्दोलनमा उत्रिने चेतावनी समेत दिएको छ । नेपाल मिटर ट्याक्सी व्यवसायी संघले सरकारले भूकम्प पीडितको नाममा ठूलो आर्थिक चलखेल गर्न विनाभन्सार सहुलियत १५ सय ट्याक्सीको खताए आहृवान गरेको भन्दै तत्काल सो निर्णय सच्याउन माग गरेको छ ।
संघका अध्यक्ष चेतप्रसाद गौतमले भने, वास्तविक भूकम्पपीडितलाई विगतमा भएको सहमति कबमोजिम भन्सार सहुलियतसहित ५ सय ट्याक्सी दर्ता गर्नुपर्छ , पीडितको नाममा हाल भइरहेको व्यवसायलाई विस्थापित गर्ने षड्यन्त्र भइरहेको छ, हामी यसको घोर बिरोध गछौं ।’ उनले सो निर्णय सरकारले तत्काल फिर्ता नलिए आन्दोलनमा ट्याक्सी व्यवसायी र चालक पनि उत्रने चेतावनी दिए । आजको राजधानी दैनिकमा खबर छ ।
