निरन्तरजसो बैंकभित्रका घोटाला, वा अनियमितता बाहिर आउनुले पनि केहि समय यता निकै तनावमा रहेका जनता बैंकका संचालकहरु फेरी अर्को तनावमा परेका हुन् । मेगा हुँदै माछापुच्छ्रेसम्मको मर्जर तुहिएर चिन्तामा रहेका उनीहरुलाई ऋण दिइएका व्यवसायीलाई प्रहरीले पक्राउ गरेपछि ऋण डुब्ने डरले छोपेको हो ।

तीन वर्ष अगाडि ४० करोड रुपैंया व्यापारिक कर्जा दिएको थियो । उनै रतनको कम्पनीलाई जनता बैंकका तत्कालीन प्रमुख कार्यकारी अधिकृत रमेश भट्टराईले बैंकको वोर्डको दबाबमा तीन वर्ष अगाडि उक्त ऋण प्रवाह गरिएको स्रोतको दावी छ ।

नियमित रुपपमा व्याज तिर्दै आएको संघाई गु्रपका अध्यक्ष पवन संघाईका आफन्त हुन रतन संघाई । संघाईको वास जेलतिर हुने भएपछि जनता बैंकले प्रवाह गरेको चालीस करोड रकम डुब्ने पो हो कि भन्ने चिन्ताले ग्रस्तभएका छन अहिले उदय नेपाली र गुरु प्रसाद न्यौपानेहरु ।

रतन संघाई एभरेष्ट इन्सुरेन्स तथा एचपी ग्यासका सञ्चालक समेत हुन् । भारतबाट औषधीमा प्रयोग हुने रसायन ल्याएर लागुऔषध कारोवारीलाई बेचेको आरोपमा संघाइलाई प्रहरीले समातेर अहिले थुनामा राखेको छ । वरिष्ठ अधिवक्ता शभ्भु थापा सहितका पाँच कानुन व्यवासायीहरु संघाईको पक्षमा वकालत गरिरहेका छन ।