- अर्थसरोकार सम्बाददाता
काठमाडौँ – पोखराबाट जोमसोमको नियमित उडानमा रहेको तारा एयरको (एन एएचएचं) टुइनअटर विमान चालकको गम्भिर लापरवाहीले दुर्घटना भएको अपत्यारिलो प्रतिवेदन लिइएको छ ।
के भन्छन् त चालक?
प्राविधिकरुपमा निकै कमजोर तारा एयरको विमानमा कुनै खरावी नभए र चालक दलका सदस्यको त्रृटिले दुर्घंटना भएको प्रतिवेदनमा उल्लेख गरिएको छ । तारा, यति एयरलाइन्सका मालिक आडछिरिड शेर्पालाई जोगाउन यस्तो प्रतिवेदन ल्याइएको चालकहरुले बताएका छन् ।
दुर्घटना कैले भएको थियो ?
विमान १२ फागुनमा म्याग्दीको दाना गाविसस्थित सोलीघोप्टे भिरमा दुर्घटना भएको थियो । दुर्घटनामा परी चालकदलसहित २३ जनाको मृत्यु भएको थियो ।
के भन्छ त आयोग ?
दुर्घटना भएकै दिन नेपाल नागरिक उड्डयन प्राधिकरणका पूर्वमहानिर्देशक राजेशराज दलीको अध्यक्षतामा पाँच सदस्यीय दुर्घटना जाँच आयोग गठन गरिएको थियो । तीन महिनाभित्र प्रतिवेदन बुझाउने जिम्मेवारी पाएको आयोगले त्योभन्दा बढी समय लगाएर अध्ययन प्रतिवेदन सरकारलाई बुझाएको छ जहाँ प्रतिकूल मौसममा चालकले उडान गर्दा दुर्घटना भएको र घटना जहाजको प्राविधिक पक्षका कारण नभई मानवीय त्रुटीले भएको भनिएको छ ।
त्रुटी नम्बर १
दुर्घटनाग्रस्त विमानका पार्टपुर्जा, भौगोलिक अवस्थिति र डाटा रेकर्डका आधारमा आयोगले विमान दुर्घटनाको मुख्य कारण मानवीय त्रुटी भनेको छ । घटनाको अध्ययन तथा प्राविधिक परीक्षणले मानवीय त्रुटीले विमान दुर्घटना भएको पाइनछ ।
त्रुटी नम्बर २
आन्तरिक उडानका क्रममा दृष्टियोग्य उडान भिएफआर अन्तर्गत पोखराबाट मुस्ताङको जोमसोमका लागि उडेको विमानका चालकदलले बिग्र्रीदो मौसमको बाबजुद पनि विमानलाई बादलभित्र प्रवेश गराई पूर्वनिर्धारित उडान मार्गबाट देब्रेतर्फ विचलन भएको अवस्थामा तातोपानी भन्ने बिन्दु पारगरी साँघुरो खोच हुँदै विमानलाई अघि बढाएको प्रतिवेदनमा उल्लेख छ ।
त्रुटी नम्बर ३
विमानलाई जोमसोमतर्फ अगाडि बढाउन ल्यान्ड स्लाइड भन्ने बिन्दुमा पुगेको भ्रममा परी जमिनको उपस्थिति जनाउने यन्त्रमा देखिएको चित्र र सचेत गराउने आवाजको संवेदनशीलता नबुझी लेते भन्ने बिन्दुतर्फ उचाइमा चढाउँदै अझ देब्रेतर्फ मोड्दा विमानको मुख्य संरचनाको तल्लो सतह चट्टानी पहाडमा घर्षण हुन गई विमान भिरमा दुर्घटना भएको प्रतिवेदनमा उल्लेख छ ।
