काठमाडौं । आपूर्ति विभागको टोलीले राजधानीका विभिन्न मासु काट्ने बधशाला गएगुज्रेको अवस्थामा रहेको तथ्य फेला पारेको धेरै भएको छैन । गणेशमान पुन आपूर्ति मन्त्री रहादै गरिएको अनुगमनमा विभिन्न बधशालाको स्थिति दयनीय पाइएको थियो भने केहीमा त किराहरू कुदिरहेको भेटिएको थियो । अहिले सरकारले त्यस्ता मापदण्ड नै पूरा नगर्ने बधशालाहरूलाई कारबाही प्रक्रिया अगाडि बढाइरहेको छ । यस्तोमा दूध उत्पादन कम्पनीमा पनि विभिन्न गडबडी हुने गरेको गुनासो बढ्न थालेको छ ।
दूध उत्पादन तथा प्रशोधन सम्बन्धी विभिन्न कम्पनीहरूमा सरसफाई नहुने गरेको तथा सरसफाई लगायतमा सामान्य किसिमका मापदण्ड पूरा नगर्ने गरेको आरोप लागेको छ । राजधानी तथा राजधानी बाहिर रहेका दर्जनौं त्यस्ता दूध उत्पादन कम्पनीहरूले सफा सुग्गर नै नगरी दूध उत्पादन गरेर बेचिरहेको गुनासो आउन थालेको छ । बधशालामा अनुगमन गरिएसागै दूध उत्पादन कम्पनीहरूमा पनि माग तीव्र बनेर गएको छ ।
सामाजिक सञ्जालहरूमा यतिबेला दूध उत्पादन कम्पनीहरूमा पनि सरसफाई नहुने गरेको तथा मापदण्डविपरीत दूध उत्पादन हुने गरेको भन्दै अनुगमन गरेर मापदण्डबाहिर चलेको भए कारबाही गरिनु पर्ने माग उठेको छ । तर, अहिलेसम्म कुनै पनि दूध उत्पादन कम्पनीमा अनुगमन भने गरिएको छैन । साँघु साप्ताहिकमा खबर छ । साँघु साप्ताहिकमा खबर छ ।
