त्रिभुवन विश्वविद्यालयबाट इन्जिनियरिङ  सकेका उनलाई एकाएक कहाँबाट फोटोग्राफीको इक्षा आयो थाहा छैन । ‘मेरो कोहि त्यस्तो गुरु भन्ने छैनन् । आफैंले खिचेको फोटो हेरेपछि मन लाग्यो ।  फोटोग्राफीको औपचारिक कोर्ष पनि लिएको छैन । तर पनि रमाइलो लाग्छ ।’

प्रकृतिप्रेमी आशिष प्रकृतिका झंकारहरुलाई क्यामराको फ्रेममा मिलाउन सिपालु छन् । ‘आइ लव नेचर ।’  अर्थ सरोकार डटकमसँगको कुराकानीमा गर्दै उनी भन्छन्, ‘ केहि फरक गर्न मन लाग्छ । अहिलेपनि प्रयास गर्दैछु । 

‘फोटो खिचेर गरेको पहिलो कमाइ याद छ ?’ अर्थ सरोकारकर्मीको उत्तर दिंदै उनी भन्छन्, ‘अहिलेसम्म फोटो खिचेर एक रुपैयाँ पनि कमाएको छैन । तर सोख हो । आत्मसन्तुष्टिको लागि फोटो खिच्छु।’

फोटोग्राफिमा धेरै सिक्न मन गर्ने आचार्य भन्छन्, ‘ मैले जे जानेको छु त्यो नै सबै होइन।  सिक्न धेरै बाँकी छ । फोटोग्राफी गरेर कमाउँछु भन्ने छैन ।  यो मेरो ‘पेसन’ हो र फोटोग्राफीलाई यहि रुपमा अगाडी बढाउँछु ।

फोटोग्राफीमा खासै सुनिएको नाम होइन उनको । सुनिनु पनि खासै छैन । किनकी आफ्नो मनलाइ सितलता दिन फोटो खिच्छु जस्तो लाग्छ उनलाई ।

काठमाडौँ बानेश्वरमा बस्ने उनी यसै रुमलिएका बेला आफ्नो मोबाइल तेर्स्याउँछन् । यस्तो पनि अनुभव छ उनलाई कि उनी बाइकमा हुइकिदा पनि कतै राम्रो दृश्य देखिपछी फोटो खिच्छन् । फोटोग्राफीको सोख भएकाहरुसँग मित्रता बढाउन मन पराउने आचार्य फोटोग्राफीमा खुब मज्जा आउने बताउँछन् ।

‘पैसाका लागि होइन मनको सन्तुष्टिका लागि फोटोग्राफी गर्नेहरु धेरै छन् । म पनि त्यहि मध्येको एक हुँ। ‘ कुराकानीको अन्त्यमा उनले भने, ‘सायद फोटोग्राफी दिवसको खास त्यस्तो अर्थ लाग्दैन।  हामी सिक्नेहरुका लागि।  हाम्रा लागि हरेक क्लिक फोटोग्राफी डे झैं बन्छन् ।        

हेरौं उनले खिचेका केहि तस्विरहरु :