नेपालको सन्दर्भमा नियामक आउनु भन्दा नै पहिले आएको ब्यवसाय भनेको सायद कमोडिटीनै हो। त्यस कारण पनि यसले ठोस गती लिन सकेको छैन ।

ब्याक्तीगत अनुभवको कुरा गर्ने हो भने यसमा धेरै कमाउने भनेका ब्रोकरले नै हो । सफ्ट्वेयरमा गडबडी भनेको बेला बेच्न नसकिनु जस्ता कारणनै अहिलेको समस्या हो। कमाइनै नहुने पनि हैन कमोडिटीबाट तर सर्बसाधारण र पहुँच नहुनेहरुकोको लागी चाहिं यो “आए नुन तेल, गए घर खेत” भन्ने उखान सिद्ध भएको देखिन्छ ।

आशा गरौं एक दिन हाम्रो कमोडिटी बजार पनि अन्तरराष्ट्रीय स्तरको हुनेछ। यसको लागी सबैले आ-आफ्नो ठाउँबाट सक्दो प्रयास गर्नुपर्ने देखिन्छ।

अहिले हाम्रो सेयर बजार को ५% लगानी मात्र पनि कमोडिटीतर्फ मोडिने हो भने कमोडिटी बजारको आकारनै अर्को हुनेछ। तर यहाँ त कमोडिटी छोडेर सेयर बजारतर्फ मोडिनेको सँख्या दिन प्रतिदिन बढ्दो छ। जसको एउटा उदाहरण म आफै हुँ।

पुँजी बजारको अभिन्न अंग कमोडिटी बिकासमा सम्बन्धित निकायको ध्यान जान अब ढिलो हुनु भएन।