काठमाडौं । सेन्ट्रल फाइनान्सको बोनस सेयर नेपाल स्टक एक्सचेञ्ज (नेप्सेमा) सुचीकृत भएको छ । संस्थाको साउन ११ गते मात्रै ७ प्रतिशत अर्थात ५ लाख ७६ हजार ३७८ कित्ता बोनस सेयर सूचीकृत भएको हो । फाइनान्सले अघिल्लो आर्थिक वर्षको मुनाफाबाट सेयरधनीलाई ७ प्रतिशत बोनस सेयर वितरण गरेको थियो ।
यससँगै उक्त सेयर सम्बन्धित सेयरधनीको डिम्याट खातामा हस्तान्तरण हुनेछ । नेप्सेमा सूचीकृत उक्त बोनस सेयर सेयरधनीको डिम्याट खातामा आएपछि दोस्रो सेयर बजारमा किनबेच गर्न सकिनेछ ।