काठमाडौं । सिद्धार्थ व्यवस्थित लगानी योजनाको इकाई बाँडफाँड गरेको छ । सिद्धार्थ क्यापिटलले सो योजनाको इकाई असार १६ गतेदेखि २० गतेसम्म २ करोड इकाई बिक्री गरेको थियो । उक्त अवधिभित्र रितपूर्वक आवेदन दिने आवेदकहरुलाई साउन ७ गते बिहीवार इकाई बाँडफाँड गरिएको हो ।

क्यापिटलले खुला मुखी योजनाको इकाई बिक्रीपश्चात बाँडफाँड गरेको हो । योजनाको सुरुको आकारको ५ प्रतिशत इकाई योजना व्यवस्थापक सिद्धार्थ क्यापिटल लिमिटेड र १० प्रतिशत इकाई कोष प्रबर्द्धक सिद्धार्थ बैंकले बिज पूँजीको रुपमा लगानी गरेका छन् ।

खुलामुखी उक्त योजनाको कुल इकाई सर्वप्रथम सार्वजनिक रुपमा जारी गरी बाँडफाँड  भइसकेपछि खुद सम्पत्ति मूल्यको आधारमा पुन : खरीद गर्न सकिने व्यवस्था छ ।