काठमाडौं । फर्स्ट माइक्रोफाइनान्स लघुवित्त वित्तीय संस्था लिमिटेडको ३ लाख १९ हजार ४१० कित्ता संस्थापक सेयर आजदेखि लिलामीमा बिक्री खुला भएको छ । संस्थाले आईसिएफसि फाइनान्सको स्वामित्वमा रहेको उक्त सेयर भदौ २४ गतेसम्मका लागि लिलामीमा ल्याएको हो । संस्थाले यस सेयरको मूल्य प्रतिकित्ता एक सय रुपैयाँ तोकेको छ ।

आवेदकहरुले तोकिएको मूल्य वा सोभन्दा बढी मूल्य अंकित गरी बोलकबोल गरी बोलपत्र पेश गर्नुपर्ने हुन्छ । बोलकबोल गर्दा न्यूनतम १ हजार कित्तादेखि अधिकतम सम्पूर्ण कित्तासम्मको लागि माग गर्न सकिने व्यवस्था छ । उक्त संस्थाको सेयर खरिद गर्न चाहाने ईच्छुक संस्थापक सेयरधनी वा जो कोही व्यक्ति तथा कम्पनीहरुले आवेदन दिन सक्नेछन ।संस्थाको सेयर बिक्री प्रबन्धकमा मुक्तिनाथ क्यापिटल लिमिटेड रहेको छ ।