काठमाडौं । कुमारी इक्विटी फन्डको सूचीकृत कम्पनीको सेयरमा लगानी बढेको छ । साउन मसान्तसम्म आइपुग्दा फन्डले सूचीकृत कम्पनीको सेयरमा लगानी ९ करोड ३३ लाख ४७ हजार रुपैयाँले बढेर ६३ करोड ४८ लाख २८ हजार रुपैयाँ पुगेको जनाएको हो । अघिल्लो महिना यसले सूचीकृत कम्पनीको सेयरमा ५४ करोड १४ लाख ८१ हजार रुपैयाँ लगानी गरेको थियो ।

यस्तै फन्डको प्रतिइकाई खुद सम्पति मूल्य (न्याभ) पनि बढेको छ । एक महिनाको अवधिमा यसको न्याभ २९ पैसाले बढेर ११ रुपैयाँ ०१ पैसा पुगेको छ । असार महिनामा यसको न्याभ १० रुपैयाँ ७२ पैसा थियो ।

यता बैंक मौज्दात भने ६ करोड ६६ लाख ७९ हजार रुपैयाँले घटेर २५ करोड २६ लाख ६३ हजार रुपैयाँमा आएको छ । असार महिनामा फन्डले ४० सूचीकृत कम्पनीको सेयरमा लगानी गरेको छ । सबैभन्दा धेरै लक्ष्मी लघुवित्तको सेयरमा लगानी छ ।