काठमाडौं । गुराँस लघुवित्त वित्तीय संस्थाको लाभांश सुरक्षित गर्ने आइतबार अन्तिम दिन रहेको छ । कम्पनीले साधारणसभा र लाभांश वितरण प्रयोजनको लागि कात्तिक ८ गतेदेखि २२ गतेसम्म बुक क्लोज गर्ने भएसँगै कात्तिक ७ गते आइतबारसम्म कायम सेयरधनीले सभामा भाग लिन र लाभांश पाउनेछन् ।
कम्पनीले गत आवको मुनाफाबाट आफ्ना सेयरधनीलाई १६.९०% बोनस सेयर र ०.८८९४% नगद लाभांश कर प्रयोजनको लागि वितरण गर्ने भएको छ । उक्त प्रस्ताव पारित गर्नका लागि कम्पनीले आगामी कात्तिक २२ गते साधारणसभा बोलाएको छ ।
