काठमाडौं । प्राइम कमर्सियल बैंकले आफ्नो स्वामित्वमा रहेको संस्थापक सेयर लिलामी बिक्री खुला गर्ने भएको छ ।  बैंकले कात्तिक २३ गतेदेखि आफ्नो स्वामित्वमा रहेको नेरुडे लघुवित्तको १ लाख १३ हजार ५०० कित्ता संस्थापक सेयर लिलामी बिक्री खुला गर्न लागेको हो ।

सो सेयरमा न्यूनतम मूल्य प्रतिकित्ता ४०० रुपैयाँ तोकिएको छ । यसमा विद्यमान संस्थापक सेयरधनीलगायत अन्य इच्छुक व्यक्ति, फर्म कम्पनी तथा संगठित संस्थाहरुले मंसिर १ गतेसम्म आवेदन दिन सक्नेछन् भने सानिमा क्यापिटल पुतलिसडक काठमाडौंबाट पनि आवेदन दिन सकिनेछ ।