काठमाडौं । सनराइज फर्स्ट म्युचुअल फन्डको न्याभ ५ रुपैयाँ ८६ पैसाले घटेको छ । भदौ मसान्तसम्म आउँदा फन्डको प्रतिइकाई खुद मूल्य (न्याभ) ५ रुपैयाँ ८६ पैसाले घटेर १४ रुपैयाँ ६२ पैसा पुगेको हो । यस अवधिमा फन्डले सूचिकृत कम्पनीको सेयरमा ८१ करोड ६० लाख रुपैयाँ लगानी गरेको छ । जुन अघिल्लो महिनाको भन्दा ३ करोड ६२ लाख २४ हजार रुपैयाँ थोरै हो ।

यस अवधिमा फन्डले ५४ वटा सूचीकृत कम्पनीको सेयरमा लगानी गरेको छ । जसमा सबैभन्दा धेरै लगानी नबिल बैंकको सेयरमा रहेको छ । फन्डमा नबिलको ५५ हजार ९९६ कित्ता सेयरमा ७ करोड ९७ लाख ६६ हजार ३०२ रुपैयाँ लगानी रहेको छ ।

यता पछिल्लो १ महिनामा फन्डको बैंक मौज्दात भने ५३ करोड २० लाख रुपैयाँबाट घटेर १० करोड ४५ लाख रुपैयाँ कामय भएको छ । यसको मुद्दति निक्षेपमा ११ करोड रुपैयाँ रहेको छ ।