काठमाडौं । एसियन लाइफ इन्स्योरेन्सले लाभांश घोषणा गरेको छ । कम्पनीले २५ प्रतिशत बोनस सेयर र २ प्रतिशत नगद गरी कुल २७ प्रतिशत लाभांश वितरण गर्ने निर्णय गरेको हो । कम्पनीको मंगलबार साँझ बसेको सञ्चालक समिति बैठकले आर्थिक वर्ष २०७६/७७ को नाफा तथा सञ्चित नाफाबाट सेयरधनीलाई यो लाभांश दिने निर्णय गरेको हो ।
प्रस्तावित २५ प्रतिशत बोनस सेयर वितरणपछि पुँजी २ अर्ब ५१ करोड रुपैयाँ पुग्नेछ । नियामक बिमा समितिले स्वीकृत गरेपछि र आगामी साधारणसभाले पारित गरेपछि मात्र सेयरधनीले पाउनेछन् । हाल यसको चुक्ता पुँजी २ अर्ब १ करोड रुपैयाँ रहेको छ ।
