काठमाडौं । गणपति लघुवित्त वित्तीय संस्थाले लाभांश वितरण गर्न अनुमति पाएको छ । नोपल राष्ट्र बैंकले कम्पनीलाई २० प्रतिशत लाभांश वितरण गर्न अनुमति दिएको हो । कम्पनीले सेयरधनीलाई २० प्रतिशत लाभांश दिन लागेको हो । राष्ट्र बैंकको स्वीकृति पाएकाले अब वार्षिक साधारणसभाले पारित गरेपछि सेयरधनीले पाउनेछन् ।

कम्पनीको कात्तिक १० गते बसेको सञ्चालक समिति बैठकले सेयरधनीलाई १९ प्रतिशत बोनस सेयर र कर प्रयोजनका लागि १ प्रतिशत नगद लाभांश दिने निर्णय गरेको थियो । कम्पनीले हाल कायम १२ करोड ७३ लाख ५६ हजार ७५० रुपैयाँ चुक्ता पुँजीमा उक्त बोनस तथा नगद लाभांश प्रस्ताव गरेको हो ।