काठमाडौं । कालिका लघुवित्त वित्तीय संस्थाले बोनस सेयर घोषणा गरेको छ । कम्पनीले आफ्ना सेयरधनीहरुलाई १३ प्रतिशत बोनस सेयर दिने घोषणा गरेको हो । कम्पनीको बुधबार बसेको सञ्चालक समितिको बैठकले १३ प्रतिशत बोनस सेयर दिने निर्णय गरेको हो ।

कम्पनीले बोनसमा लाग्ने कर तिर्न नगद लाभांश सम्बन्धी भने कुनै पनि निर्णय गरेको छैन । प्रस्तावित बोनस सेयर नियामक नेपाल राष्ट्र बैंकले स्वीकृत गरेपछि र कम्पनीको आगामी वार्षिक साधारणसभाले पारित गरेपछि मात्र लगानीकर्ताले पाउनेछन् ।