काठमाडौं । महालक्ष्मी विकास बैंकले आफ्ना सेयरधनीलाई पाँच वर्ष पुरानो लाभांश बुझिलिन आग्रह गरेको छ । बैंकले साविक मालिका विकास बैंक, महालक्ष्मी फाइनान्स, यती फाइनान्स, सिद्धार्थ फाइनान्स तथा भ्याली फाइनान्सको पाँच वर्ष पुरानो नगद लाभांश बुझिलिन सेयरधनीलाई आग्रह गरेको हो ।
कम्पनीहरुको विभिन्न साधारणसभाबाट पारित पाँच वर्ष पुरानो नगद लाभांश बुझिलिन बाँकी रहेका सेयरधनीलाई समयमै बुझिलिन आग्रह गरेको हो । कम्पनीले सूचना जारी गरेका एक महिनाभित्र कम्पनीको रष्ट्रिार कार्यालय सिद्धार्थ क्यापिटल लिमिटेड, नारायणचौर, नक्सालमा सम्पर्क गरी लाभांश बुझिलिन आग्रह गरेको हो । उक्त समय अवधिभित्र लाभांश नबुझे उक्त लाभांश कम्पनी ऐन २०६३ दफा १८२ को अधिनमा रहि लगानीकर्ता संरक्षण कोषमा जम्मा हुने बैंकले जनाएको छ ।
