काठमाडौं । प्राइम कमर्सियल बैंकको स्वामित्वमा रहेको नेरुडे लघुवित्तको १ लाख १३ हजार ५०० कित्ता संस्थापक सेयर लिलामी भर्ने मंसिर १ गते बुधबार अन्तिम दिन हो । आज कार्यालय समयसम्म मात्र यसमा आवेदन दिन सकिने भएको छ । कम्पनीले प्रतिकित्ता न्यूनतम मूल्य ४०० रुपैयाँमा यो सेयर बिक्रीमा ल्याएको हो ।

लगानीकर्ताले यसलाई न्यूनतम मूल्य आधार मानेर सो वा सोभन्दा बढी मूल्य अंकित गरी बोलपत्र पेश गर्नुपर्नेछ । यो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् । आवेदकले सानिमा क्यापिटल पुतलिसडक काठमाडौं पुग्नेगरी आवेदन दिनु पर्नेछ ।