काठमाडौं । सनराइज फर्स्ट म्युचुअल फण्डको प्रतिइकाई खुद मूल्य (न्याभ) बढेको छ । कात्तिक मसान्तसम्म फण्डको न्याभ २९ पैसाले बढेर १४ रुपैयाँ ६७ पैसामा कायम भएको छ । असोजमा फण्डको न्याभ १६ रुपैयाँ ३८ पैसा रहेको थियो ।
सूचीकृत कम्पनीको सेयरमा ७५ करोड ७१ लाख ६३ हजार रुपैयाँ लगानी गरेको छ । यो अघिल्लो महिनाको भन्दा १ करोड १५ लाख २२० रुपैयाँ थोरै हो । असोजमा यस फण्डले सूचीकृत सेयरमा ७४ करोड ५६ लाख रुपैयाँ लगानी गरेको थियो ।
यसअवधिमा फण्डले ५७ वटा सूचीकृत कम्पनीको सेयरमा लगानी गरेको छ । जसमा सबैभन्दा धेरै लगानी नबिल बैंकको सेयरमा रहेको छ । फन्डमा नबिलको ४० हजार १८३ कित्ता सेयरमा ६ करोड २६ लाख ४५ हजार रुपैयाँ लगानी रहेको छ । यता पछिल्लो १ महिनामा फन्डको बैंक मौज्दात भने १ करोड २२ लाख ६ हजार रुपैयाँले घटेर १६ करोड ७८ लाख रुपैयाँमा सिमित भएको छ ।
