काठमाडौँ । लक्ष्मी बैंकले ११.५ प्रतिशत लाभांशकाे प्रस्ताव पारित गरेकाे छ । बैंकको पौष ८ गते सम्पन्न एक्काइसौं वार्षिक साधारणसभा साे लाभांशकाे प्रस्ताव पारित गरेकाे हाे ।
उक्त सभाले बैंकको चुक्ता पूँजीको ८ प्रतिशत बोनस सेयर र ३.५ प्रतिशत नगद लाभांश वितरण गर्ने प्रस्ताव पारित गरेको छ । पारित बोनस सेयरसँगै बैंकको चुक्ता पूँजी ११ अर्ब ५५ करोड रूपैयाँ पुगेको छ ।
सभाले आर्थिक वर्ष २०७७/७८ का लागि संचालक समितिको प्रतिवेदन तथा सोही आर्थिक वर्षको बैंकको वित्तीय विवरण उपर छलफल गरी स्वीकृत गरेको छ ।
आ.व. २०७७/७८ मा रु ११७ अर्ब निक्षेप र रु १०८ अर्ब कर्जा पुर्याएकाे यस बैंकको वासलातको आकार १५२ अर्ब रूपैयाँ रहेको छ । सो आ.व.मा बैंकले १ अर्ब ५७ करोड रुपैंया खुद मुनाफा आर्जन गर्न सफल भएको छ ।
