काठमाडौं । नेप्सेमा तीन कम्पनीको सेयर मूल्य समायोजन भएको छ । नेप्सेमा सनराइज बैंक, प्रभु बैंक र मनकामना स्मार्ट लघुवित्त वित्तीय संस्थाको बोनस सेयरमा मूल्य समायोजन गरेको हो । यी तीन वटै कम्पनीले साधारणसभा तथा लाभांश प्रयोजनको लागि आज पुस ४ गते बुक क्लोज गरेका छन् ।
सनराइजको बोनस सेयर समायोजनपछिको भाउ नेप्सेले २५४ रुपैयाँ १० पैसा निर्धारण गरेको छ । बैंकको ६.६५% बोनस सेयरपछिको भाउ समायोजन गरेको हो । बैंकले गत वर्षको नाफाबाट ६.६५% बोनस र कर तिर्न ०.३५% नगद लाभांश वितरण गर्ने भएको हो ।
यस्तै प्रभुको बोनस सेयर समायोजनपछिको भाउ नेप्सेले २९४ रुपैयाँ ७३ पैसा निर्धारण गरेको छ । यसब बैंकको १२% बोनस सेयरपछिको भाउ समायोजन भएको हो । साथै मनकामना स्मार्ट लघुवित्तको बोनस सेयर समायोजनपछिको भाउ नेप्सेले १३ सय ३३ रुपैयाँ ३३ पैसा निर्धारण गरेको छ । यसको १७% बोनस सेयरपछिको भाउ समायोजन भएको हो । यस लघुवित्तले गत वर्षको नाफाबाट सेयरधनीलाई १७% बोनस सेयर वितरण गर्ने भएको हो ।
