काठमाडौं । मंसिर मसान्तमा आइपुग्दा एनएमबि हाइब्रिड फन्ड एल–१ को प्रतिइकाई खुद सम्पति मूल्य (न्याभ) घटेको छ । सो अवधिसम्म आउँदा न्याभ १ रुपैयाँ १२ पैसाले घटेर १३ रुपैयाँ ६६ पैसा कायम भएको हो । कात्तिक महिनामा यसको न्याभ १४ रुपैयाँ ७८ पैसा थियो ।

यस अवधिमा फन्डको सूचीकृत कम्पनीको सेयरमा लगानी पनि घटेको छ । सूचीकृत कम्पनीको सेयरमा लगानी १० करोड ६८ लाख रुपैयाँले घटेर ६३ करोड ५५ लाख रुपैयाँ कायम भएको छ । कात्तिक महिनामा यसले सूचीकृत कम्पनीको सेयरमा ७४ करोड २३ लाख रुपैयाँ लगानी गरेको थियो ।

यस्तै मंसिर मसान्तसम्म आइपुग्दा फन्डको बैंक मौज्दात पनि घटेको छ । कात्तिकमा २० करोड ३१ लाख रुपैयाँ बैंक मौज्दातमा रहेको यसको अहिले घटेर १९ करोड ९८ लाख रुपैयाँ कायम भएको छ । यसअवधिमा फन्डले ५१ वटा सूचीकृत कम्पनीको सेयरमा लगानी गरेको छ । फन्डको सबैभन्दा धेरै लगानी छिमेक लघुवित्तमा रहेको छ ।