काठमाडौं । रिलायन्स फाइनान्सले आफ्ना सेयरधनीलाई बोनस सेयर दिने घोषणा गरेको छ । कम्पनीको शुक्रबार बसेको सञ्चालक समिति बैठकले गत वर्षको नाफाबाट १५% बोनस सेयर र कर प्रयोजनका लागि ०.७९% नगद लाभांश वितरण गर्ने निर्णय गरेको हो ।
प्रस्तावित लाभांश नियामक नेपाल राष्ट्र बैंक र कम्पनीले आगामी वार्षिक साधारणसभाले अनुमोदन गरेपछि सेयरधनीले पाउनेछन् । कम्पनीले हाल कायम ९१ करोड ५६ लाख रुपैयाँ चुक्ता पूँजीमा उक्त बोनस तथा नगद लाभांश घोषणा गरेको हो ।
