काठमाडौं । मंसिर मसान्तसम्म आइपुग्दा सिद्धार्थ इक्विटी फन्डको ६८ वटा कम्पनीको सेयरमा लगानी गरेको छ । जसमा सबैभन्दा धेरै लगानी एनआइसी एसिया बैंकको सेयरमा रहेको हो । एनआइसीको १ लाख ३२ हजार ४३९ कित्ता सेयरमा १४ करोड ५८ लाख ५ हजार ५६२ रुपैयाँ लगानी छ ।
यस्तै सो अवधिसम्म आउँदा प्रतिइकाई खुद सम्पति मूल्य (न्याभ) घटेको छ । यसअवधिमा न्याभ १ रुपैयाँ ८२ पैसाले घटेर १२ रुपैयाँ ३४ पैसामा झरेको छ । कात्तिक महिनामा यसको न्याभ १४ रुपैयाँ १६ पैसा थियो । एक महिनाको अवधिमा सूचीकृत कम्पनीको सेयरमा लगानी पनि घटेको छ ।
यस्तै सूचीकृत कम्पनीको सेयरमा लगानी २८ करोड ६६ लाख रुपैयाँले घटेर १ अर्ब ५१ करोड ११ लाख रुपैयाँ कायम भएको छ । अघिल्लो महिना यसले सूचीकृत कम्पनीको सेयरमा १ अर्ब ७९ करोड ७८ लाख रुपैयाँ लगानी गरेको थियो ।
