काठमाडौं । सनराइज फर्स्ट म्युचुअल फन्डको मंसिर मसान्तसम्म प्रतिइकाई खुद मूल्य (न्याभ) १ रुपैयाँ १९ पैसाले घटेर १३ रुपैयाँ ४८ पैसा पुगेको छ । कात्तिकमा यसको न्याभ १४ रुपैयाँ ६७ पैसा थियो । यस्तै सो अवधिसम्म फण्डले सूचीकृत कम्पनीको सेयरमा ६२ करोड १७ लाख ३२ हजार रुपैयाँ लगानी गरेको छ । यो अघिल्लो महिनाको भन्दा १३ करोड ५४ लाख ३० हजार रुपैयाँ थोरै हो । कात्तिकमा यस फन्डले सूचीकृत सेयरमा ७५ करोड ७१ लाख ६३ हजार रुपैयाँ लगानी गरेको थियो ।
यसअवधिमा फन्डले ५४ वटा सूचीकृत कम्पनीको सेयरमा लगानी गरेको छ । जसमा सबैभन्दा धेरै लगानी नबिल बैंकको सेयरमा रहेको छ । फन्डमा नबिलको ३२ हजार ३ कित्ता सेयरमा ४ करोड ६४ लाख ४ हजार ३५० हजार रुपैयाँ लगानी रहेको छ । मंसिर मसान्तसम्म आइपुग्दा यसको प्रतिइकाई खुद मूल्य (न्याभ) १ रुपैयाँ १९ पैसाले घटेर १३ रुपैयाँ ४८ पैसा पुगेको छ ।
यता पछिल्लो १ महिनामा फन्डको बैंक मौज्दात भने ३ करोड ४३ लाख ४ हजार ७०६ रुपैयाँले बढेर २० करोड २१ लाख २३ हजार रुपैयाँ कायम भएको छ । अघिल्लो महिना यसको बैंक मौज्दातमा १६ करोड ७८ लाख रुपैयाँ रहेको थियो । यसको मुद्दति निक्षेपमा १३ करोड रुपैयाँ रहेको छ ।
