काठमाडौं । उन्नति सहकार्य लघुवित्त वित्तीय संस्थाको लाभांश सुरक्षित गर्ने आज मंगलबार अन्तिम मौका रहेको छ । कम्पनीले साधारणसभा तथा लाभांश प्रयोजनको लागि बुधबार पुस १४ गते बुक क्लेज गर्दैछ । त्यसैले आजसम्म कायम सेयरधनीले कम्पनीले प्रस्ताव गरेको लाभांश पाउनेछन् ।
गत वर्षको नाफाबाट कम्पनीले ३०% बोनस सेयर वितरण गर्दैछ । लघुवित्तले पुस २८ गते होटल मौर्या रुपन्देही भैरहवामा बिहान ११ बजे वार्षिक साधारणसभा डाकेको छ । सर्वसाधारण सेयर स्वामित्व अनुपात ३०% कायम गर्न एफपीओ जारी गर्ने प्रस्ताव पारित गर्नेलगायत एजेन्डा पनि सभामा रहेको छ ।
