काठमाडौं । सिभिल बैंक र रिलायन्स फाइनान्सको लाभांश सुरक्षित गर्ने आज सोमबार अन्तिम दिन रहेको छ । दुवै कम्पनीले साधारण सभा र लाभांश प्रयोजनका लागि पुस २० गते बुक क्लोज गर्ने भएको छ । जसकारण सोमबारसम्म नेप्सेमा कायम सेयरधनीले मात्रै प्रस्तावित लाभांश सुरक्षित गर्न सक्नेछन् ।
सिभिल बैंकले गत वर्षको नाफाबाट ५ प्रतिशत बोनस सेयर कर तिर्न ०.२६ प्रतिशत नगद लाभांश वितरण गर्ने भएको छ । बैंकको ११औं वार्षिक साधारणसभा पुस ३० गते हुनेछ । उक्त सभा अम्रपाली बैंक्वेट, बालुवाटार काठमाडौंमा बिहान ११ बजे सुरु हुनेछ ।
यस्तै रिलायन्स फाइनान्सले गत वर्षको नाफाबाट १५प्रतिशत बोनस सेयर र कर तिर्न ०.७९ प्रतिशत नगद लाभांश दिने भएको छ । कम्पनीकोे पुस ३० गते वार्षिक साधारण सभा हुने भएको छ । सभा रिलायन्सको मुख्य कार्यालय, प्रदर्शनीमार्ग काठमाडौंमा बिहान ११ बजे भर्चुअल माध्यमबाट हुनेछ ।
