काठमाडौं । जानकी फाइनान्सले चालु आर्थिक वर्षको दोस्रो त्रैमाससम्म आइपुग्दा ३ करोड ५५ लाख ८९ हजार रुपैयाँ खुद नाफा कमाएको छ ।

अघिल्लो वर्षको यसैअवधिमा फाइनान्स ४ करोड ६८ लाख ५२ हजार रुपैयाँ नोक्सानमा थियो । यसअवधिमा यसको खुद ब्याज आम्दानी र सञ्चालन नाफा दुवै बढेकाले खुद नाफा बढ्न सहयोग पुगेको हो ।

यस्तै कम्पनीो खुद ब्याज आम्दानी ६५.३०% ले बढेर ९ करोड ५१ लाख ७४ हजार रुपैयाँ पुगेको छ । सञ्चालन नाफा ४ करोड २७ लाख ५१ हजार रुपैयाँ पुगेको छ । अघिल्लो वर्ष कम्पनी ४ करोड ६८ लाख ५२ हजार रुपैयाँ सञ्चालन नोक्सानमा थियो । प्रतिसेयर आम्दानी ११ रुपैयाँ ८५ पैसा र प्रतिसेयर नेटवर्थ १५६ रुपैयाँ ७१ पैसा छ ।