काठमाडौं । एनएमबि बैंकको २६ औं बार्षिक साधारणसभा सम्पन्न भएको छ । बैंकका संचालक समितिका अध्यक्ष, सञ्चालक र शेयरधनीहरुको उपस्थितिमा पौष २२ गते, बिहिबार त्रिभुवनआर्मी अफिसर्स क्लब, सुन्धारा, काठमाण्डौंमा बैंकको सञ्चालक समितिका अध्यक्ष पवन कुमार गोल्याणको सभापतित्वमा सभा सम्पन्न भएको हो ।

उक्त सभाद्वारा आर्थिक वर्ष २०७७/७८ को नाफाबाट हाल कायम चुक्तापूजीका १२.५० प्रतिशत बोनस सेयर र ३.३ प्रतिशत नगद लाभांश (बोनस र नगद लाभांशको कर प्रयोजनको लागीसमेत) पारित गरेको छ । साधारण सभाद्धारा स्वीकृत बोनस सेयर पश्चात बैंकको चुक्तापूँजी १८ अर्व ३६ करोड पुग्ने जानकारी गराइएको छ ।

बैंकको २०७८ अषाढसम्ममा खुदनाफा २ अर्ब ७१ करोड, निक्षेप १६६ अर्ब र कर्जा १५८ अर्ब रहेको छ । सो सभामा बैंकका सेयरधनीहरुले आ–आफ्नो विचारसमेत ब्यक्त गरेका थिए ।

दिफिनान्सियल टाईम्स, लण्डनद्धारा “Bank of The Year Asia 2021” र “Bank of The Year Nepal 2021बाट यस बैंकलाई सम्मानित गरेको छ । उक्त अवार्ड सेयरधनीहरुले समय समयमा बैंकलाई दिएका सुझाब एवं सल्लाहमुताबिक भएको परिणामको रुपमा लिँदै सम्पूर्णमा बैंकले कृतज्ञता ज्ञापन गरेको छ । बैंकले २०१७, २०१८, २०२० र २०२१ गरि चार पटक नेपालकै उत्कृष्ट बैंकको उपाधि बैंक अफ दिइयर नेपाल’प्राप्त गरि सकेको छ ।

एनएमबि बैंकले हाल २०१ वटा शाखा, १३८ एटिएम र ९ विस्तारित सेवाद्धारा  उच्चस्तरीय सेवाप्रदानगदै आईरहेको छ ।