काठमाडौं । आज मंगलबारसम्म प्रिमियर इन्स्योरेन्सको सेयर किन्नेले लाभांश पाउने भएका छन् । कम्पनीको लाभांश सुरक्षित गर्ने आज अन्तिम दिन रहेको हो । साधारणसभा तथा लाभांश वितरण प्रयोजनका लागि यस कम्पनीले बुधबार माघ ५ गतेदेखि २१ गतेसम्म बुक क्लोज गर्दैछ ।

यसले आर्थिक वर्ष २०७७/७८ को नाफाबाट १४.२५% बोनस सेयर र कर तिर्न ०.७५% नगद लाभांश दिने भएको छ ।कम्पनीले माघ २१ गते साधारणसभा बोलाएको छ । कर प्रयोजनबाहेक नगद लाभांश दिन नपाउने बिमा समितिको निर्देशन अनुसार यसले पूर्वघोषित लाभांश संशोधन गरेको हो ।