काठमाडौं । विजय लघुवित्त वित्तीय संस्थाको वार्षिक साधारणसभा भोलि शनिबार हुँदैछ । कम्पनीको सभा गैंडाकोट रिसोर्ट गैंडाकोटमा बिहान ११ बजेदेखि सुरु हुने भएको हो ।
सभामा कम्पनीले गत आर्थिक वर्षको नाफाबाट सेयरधनीलाई २०.०३१% बोनस सेयर र कर तिर्न १.०५४% नगद लाभांश वितरण गर्ने प्रस्ताव पेश गर्ने भएको छ । यस्तै अन्य वित्तीय संस्थाहरुसँग गाभ्ने–गाभिने सम्बन्धि सम्पूर्ण कार्य गर्न सञ्चालक समितिलाई अख्तियारी प्रदान गर्ने प्रस्ताव पनि सभामा रहेको छ ।
सभामा आर्थिक वर्ष २०७७/७८ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७८/७९ का लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि सभामा राखिएको छ । सभा गर्नको लागि कम्पनीले पुस १२ गतेदेखि २४ गतेसम्म बुक क्लोज गर्नेछ भने पुस ११ गतेसम्म कायम रहने सेयरधनी मात्र सभामा भाग लिन र प्रस्तावित लाभांश पाउनेछन् ।
