काठमाडौं । नेशनल हाइड्रोपावरको १८.५२५% बोनस सेयरमा मूल्य समायोजन भएको छ । बोनस सेयर समायोजनपछिको कम्पनीको भाउ नेप्सेले ३५० रुपैयाँ १४ पैसा निर्धारण गरेको छ । फागुन ३० गते साधारणसभा डाकेको कम्पनीले आज (फागुन १३ गते) बुक क्लोज गरेको ।

बिहिबारसम्म कायम सेयरधनीले लाभांश हात पार्न सक्नेछन् । कम्पनीले गत वर्षको नाफाबाट १८.५२५% बोनस सेयर र कर तिर्न ०.९७५% नगद लाभांश वितरण गर्दैछ । सभामा बोनस सेयर वितरणपछि कायम हुने चुक्ता पूँजीको ५०% हकप्रद सेयर जारी गर्ने प्रस्ताव पनि रहेको छ ।