काठमाडौं । सूर्या लाइफ इन्सुरेन्सले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले यस त्रैमासमा १५ करोड ६ लाख ९५ हजार रुपैयाँ खुद नाफा आर्जन गरेको छ। जुन खुद नाफा अघिल्लो वर्षको तुलनामा ३८.४६ प्रतिशत कम हो । अघिल्लो वर्षको कम्पनीले २४ करोड ४८ लाख ७६ हजार रुपैयाँ खुद नाफा आर्जन गरेको थियो ।

कम्पनीको जगेडा कोष २२.४७ प्रतिशतले घटेर ५९ करोड ४६ लाख ८७ हजार रुपैयाँमा सीमित भएको छ । यस्तै जीवन बिमा कोषको आकार भने ३३.३७ प्रतिशतले बढेर १३ अर्ब ३५ करोड ५८ लाख ८८ हजार रुपैयाँ पुगेको छ । कम्पनीको खुद बिमा शुल्क आर्जन १०.९० प्रतिशतले बढेर ३ अर्ब ५८ करोड ३६ लाख ४४ हजार रुपैयाँ पुगेको छ । यस्तै कम्पनीको प्रतिसेयर आम्दानी ७ रुपैयाँ ८८ पैसा र प्रतिसेयर नेटवर्थ १२० रुपैयाँ ३१ पैसा रहेको छ ।