काठमाडौँ । कुमारी बैंक लिमिटेडले भाद्र १ गतेबाट लागु हुने गरि आफ्नो सम्पूर्ण खाताहरुमा सि-आस्वा आवेदन शुल्क नलाग्ने व्यवस्था गरेको छ । बैंकको कुनै पनि खाताबाट प्राथमिक सेयर, हकप्रद लगायतका पुंजीबजारका अन्य उपकरणहरुमा आवदेन दिँदा कुनै शुल्क नलाग्ने भएको छ ।
ग्राहकहरुको हित तथा पुंजीबजारमा जनमानसको बढ्दो सक्रियतालाई मध्यनजर गर्दै कुमारी बैंक लिमिटेडले सो छुट ल्याएको हो । यस बाट नयाँ लगानीकर्ता, युवा, विद्यार्थी लगायत कुमारी बैंक लिमिटेडका सम्पूर्ण खाताधारकहरु लाई विशेष लाभ प्राप्त हुने बैंकले विश्वास लिएको छ ।
आफ्ना देशव्यापी १ सय ९७ शाखा-संजाल, १ सय ९१ एटिएम, ४९ शाखारहित बैंकिङ इकाई तथा २४ एक्टेन्सन काउन्टर मार्फत अत्याधुनिक वित्तिय सेवा सुविधा दिँदै आएको कुमारी बैंकले आगामी दिनमा पनि अझ प्रभावकारी तथा ग्राहकमुखी सेवा विस्तार गर्दै जाने प्रतिबद्धता जनाएको छ ।
