काठमाडौं । युनियन हाइड्रोपावर लिमिटेडले गत वर्षको नाफाबाट लगानीकर्ताहरुलाई लाभांश वितरण नगर्ने भएको छ । कम्पनीको मंसिर २८ गते बसेको संचालक समितिको बैठकले बिना लाभांश पुस २२ गते साधारणसभा बस्ने निर्णय गरेको हो ।

सभा सिद्धार्थ कटेज, ललितपुर-३ धोबीघाटमा बिहान ११ बजेबाट सुरु हुने भएको छ । सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुने भएको छ ।

त्यस्तै, आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने एजेण्डा समेत रहेको छ । सभा प्रयोजनका लागि कम्पनीले पुस १४ गते बुक क्लोज गर्ने भएको छ । तसर्थ, पुस १३ गतेसम्म कायम रहने सेयरधनी मात्र सभामा भाग लिन सक्नेछन् ।