×

Live on

रेडियो अर्थ सरोकार

Listen to live radio.

laxmi sunrise bank

नेपालमा खासै प्रयोग नै नहुने विद्युतीय चुरोट लाखौँको संख्यामा चीनबाट किन भित्रियो ? तस्करीको आशंका !

काठमाडौं । चालु आर्थिक वर्षको पछिल्लो १० महिनामा मात्रै झण्डै ३२ लाख भेप (विद्युतीय चुरोट) नेपाल भित्रिएको छ । सरकारी तथ्यांक अनुसार चालु आर्थिक वर्षको पछिल्लो १० महिनामा भित्रिएको भेपको संख्या गत आर्थिक वर्षको तुलनामा २७ लाख ८५ हजार थानले बढी हो ।

गत आर्थिक वर्ष २०७८ ७९ मा कुल ४ लाख २६ हजार २ सय ७२ थान भेप नेपाल आयात भएको थियो भने अघिल्लो आर्थिक वर्षमा २९ हजार २८ थान भेप आयात भएको थियो, जसको कुल लागत ३२ लाख ९८ हजार मात्रै थियो । तर, चालु आर्थिक वर्षको १० महिनामा मात्रै विद्युतीय चुरोट (भेप) आयातमा १८ करोड ५९ लाख ५४ हजार रुपैया खर्च भएको तथ्यांकमा देखिएको छ ।

चालु आर्थिक वर्षको १० महिनामा भित्रिएको ३१ हजार ७१ लाख भेपमध्ये चीनबाट मात्रै ३१ लाख २६ हजार भेप नेपाल भित्रिएको छ । बाँकी २६ हजार ५६४ थान भेप अमेरिका र १० हजार ९ सय थान भेप दुबईबाट नेपाल भित्रिएको देखिएको छ । यी बाहेक केही परिमाणमा भेपहरु बेलायन र कोरियाबाट पनि नेपाल भित्रिएको देखिएको छ । तर, चीनबाट मात्रै यति ठूलो परिमाणमा भेप भित्रिएपछि अर्थ मन्त्रालयले यसतर्फ चासो देखाएको छ ।

यसो त नेपालमा विद्युतीय चुरोट (भेप)को प्रयोग खासै हुँदैन । तर, खासै प्रयोगमा नआउने वस्तु यति ठूलो मात्रामा आयात भएपछि सरकारले यसतर्फ चासो देखाएको छ । यसरी भेपमात्रै यति ठूलो परिमाणमा नेपाल भित्रिनुले थुप्रै शंका उत्पन्न गर्ने जानकारहरु बताउँछन् ।

Hamro Parto AD
TRITON COLLEGE

प्रतिक्रिया दिनुहोस्

सिफारिस: