काठमाडौं । कालिमाटी तरकारी तथा फलफूल बजार विकास समितिले सोमबारका लागि तरकारी तथा फलफूलको मूल्य सार्वजनिक गरेको छ । समितिले सार्वजनिक गरेको मूल्यसूची अनुसार नेपाली ठुलो गोलभेडाको न्युनतम मूल्य प्रतिकेजी ७० रुपैयाँ रहेको छ भने भारतीय ठुलो गोलभेडा ८० रुपैयाँ रहेको छ । त्यस्तै टनेलको सानो गोलभेडाको न्युनतम मूल्य ६० रुपैयाँ प्रतिकेजी रहेको छ र लोकल सानो गोलभेडा ४५ रुपैयाँ रहेको छ ।

साथै, रातो आलो ५५ रुपैयाँ, भारतीय रातो आलु ३५ रुपैयाँ र रातो आलु(मुडे) ४६ रुपैयाँ रहेको छ भने भारतीय सुकेको प्याज ७३ रुपैयाँ प्रतिकेजी रहेको छ । समितिका अनुसार लोकल गाजर ११० रुपैयाँ प्रतिकेजी, लोकल बन्दा ४० रुपैयाँ प्रतिकेजी, स्थानीय काउली ७० रुपैयाँ प्रतिकेजी, सेतो मुला ७०, रातो मुला ७० रुपैयाँ प्रतिकेजी निर्धारण गरिएको छ । भन्टा लाम्चो ६०, डल्लो भन्टा ८०, तने बोडी ९०, मकै बोडी ८०, घ्यु सिमी ७०, टाटे सिमी ८०, भटमासकोशा १२०, तिते करेला ८०, लौका ७०, परवल ४५, चिचिण्डो ३०, घिरौला ६०, पाकेको फर्सी ४५, हरियो(डल्लो) फर्सी ८० र भिन्डी ५० रुपैयाँ प्रतिकेजीमा किनबेच भईरहेको छ ।

त्यस्तै, रायोको साग प्रतिकेजी १३० रुपैयाँ, तोरीको साग ५०, हरियो प्याज १५०, कन्य च्याउ १६०, डल्ले च्याउ ३५०, कुरिलो ४५०, निउरो ८०, ब्रोकाउली २५०, चुकुंदर ८०, सजीवन १८०, गान्टे मुला ८० र तोफु ११० रुपैयाँ रहेको छ ।

यता फुजी स्याउ ३५० रुपैयाँ, केरा दर्जनको १४० रुपैयाँ, कागती १४०, अनार ३००, आँप २२०, कालो अंगुर ४००, हरियो तर्बुजा ७०, मौसम १४०, जुनार ३००, काक्रो ७०, रुख कटहर ४०, निबुवा ६०, नासपाती ७०, चाइनिज नासपाती ३००, भारतीय मेवा ८०, अम्बा १२०, लप्सी ६०, किवी ७००, सरिफा २५०, अभोकाडो २५० रुपैयाँ रहेको समितिले जनाएको छ ।