×

Live on

रेडियो अर्थ सरोकार

Listen to live radio.

‘आशा लघुवित्तका हाकिम मध्यरातमा जाँड खाएर अफिस आए, थर्काए, धम्काए… अत्ति भएपछि राजिनामा नदिएर के गर्नु ?’

GLOBAL IME BANK
SHREE KESH

‘आशा लघुवित्तका हाकिम मध्यरातमा जाँड खाएर अफिस आए, थर्काए, धम्काए… अत्ति भएपछि राजिनामा नदिएर के गर्नु ?’

३ मंसिर २०८०, आईतवार

पढ्न लाग्ने समय: २ मिनेटभन्दा कम

काठमाडौँ । म आशा लघुवित्तको वित्तीय संस्था लिमिटेडको एक कर्मचारी हुँ । १९७ जना साथीहरुले संस्थाबाट सामुहिक राजिनामा दिएर आन्दोलन थाल्नुभएको छ । अर्थ सरोकारले यस अघि पनि लघुवित्तका कर्मचारीहरुको मागका विषयमा आवाज उठाउँदै आएकोले सम्झेको हुँ ।
साबिकको आशा र राष्ट्र उत्थान मर्जरपश्चात् बनेको आशा लघुवित्त वित्तीय संस्थाका हाकिमहरुले पोष्ट मर्जरका समस्यालाई ध्यान नै दिएनन् । सबै समस्याको समाधान गर्ने बाचा गर्नुभएकी सीइओ मेडम समस्याबाट भाग्नुभयो । हाम्रो समस्या समाधान गर्नुको साटो उहाँ आफैँ राजिनामा दिएर घर जानुभयो । त्यसपछि त त्यहाँ तलका हाकिमहरुले हामीलाई नमज्जासँग पेल्न थाले ।
मर्जरपछि साबिकको राष्ट्र उत्थान लघुवित्तका कर्मचारीहरुलाई सौतेनी व्यवहार भयो । काम उही, तर राष्ट्र उत्थान र आशा लघुवित्तका कर्मचारीको तलव फरक पर्यो । उहि पोष्टमा रहेकाहरुलाई पनि फरक श्रेणी बनाएर मर्जर भईसकेको संस्थामा पनि अस्वभाविक भेदभाव हुन थाल्यो । म र साबिकको आशामै काम गर्ने साथीले गर्ने काम पहि उही हो, समय पनि उही हो, तर हाम्रो तलवमा झन्डै १० हजारको फरक छ । यसले हामीलाई डिमोटिभेट गरिरहेको थियो ।
यहाँसम्म चल्दै थियो, हामी काम गरिरहेका थियौँ, तर केहि समयपछि त हाकिमहरुको दादागिरीले सिमा नाघ्न थाल्यो । संस्थाका निमित्त प्रमुख कार्यकारी निर्देशक बद्रीप्रसाद दुलालको नेतृत्वमा कर्जा असुली तथा अनुगमन विभागका विभागीय प्रमुख रविन खतिवडा र शाखा सञ्चालन तथा तालिम विभागका विभागीय प्रमुख पुष्कर मिश्रले राष्ट्र उत्थानको शाखा निरीक्षण गर्ने बहानामा मादक पदार्थको सेवन गरी साखाहरुमा आएर कर्मचारीमाथि दुर्व्यवहार गर्न थाल्नुभयो । उहाँहरु रातीराती अफिस आउनुहुन्थ्यो । हाकिम आएपछि अफिस खोल्नैपर्यो । हामीले राती १२ बजेसम्म पनि घर जान नपाउने स्थिति भयो । रक्सीले डुङडुङ गन्हाउने भएर धम्कीपूर्ण भाषा बोल्दै हाकिमहरुको मनपरी चर्को हुँदै गयो । हाकिमहरुको रबैयाका अगाडी हाम्रो केहि लागेन ।
कुरा त्यतिमा मात्र सिमित भएन । हामीलाई जागिरबाट निकालिदिने, अन्त कतै पनि जागिर खान नमिल्नेगरी निकालिदिने, ‘तिमीहरु सुतेरै मात्र खान पल्केका हौ’ भनेर मनपरी बोल्ने, हतोत्साही गराउने लगायतका काम भयो । अत्ति भएपछि हामीले साथीहरुसँग सल्लाह गरेर सामुहिक राजिनामा दियौँ ।
तर, अहिले पनि समस्या समाधान गर्नेभन्दा हाकिमहरुले हाम्रा साथीहरुलाई थर्काउने गरिरहेका छन् । एक एक गरी फोन गर्ने र ‘सबैले राजिनामा फिर्ता लिईसके, तैंले पनि लिनु, नत्र राम्रो हुँदैन’ भनेर धम्कीपूर्ण भाषा बोल्ने काम भएको छ । केहि मिडियाहरुलाई दुरुपयोग गरेर, हाम्रा साथीहरुबारे भ्रम छर्ने काम हाकिमहरुबाटै भएको छ । हामीले ११ बुँदे माग पेश गरेका छौँ । लघुवित्तसम्बन्धि अलिकति पनि जानकारी भएकाले हाम्रा कुनै पनि माग नाजायज भन्न सकिने स्थिति छैन ।
हामी समस्याको समाधान चाहान्छौँ । तर हाकिमहरुले त्यस्तो गर्न चाहिरहेका छैनन् । हाकिमहरु पेलेरै जाने मुडमा छन् । जुन अव यसपाली सम्भव छैन ।
लघुवित्त क्षेत्रमा पूरै समस्या छ । संघर्ष समिति र दुर्गा प्रसाईंको आन्दोलनका कारण ऋण उठाउने स्थिति छैन । यस्तो अवस्थाको ख्याल नगरी हामीलाई अनावश्यक प्रेसर दिइएको छ । अरे, हामी पनि त मान्छे हौँ । हामीले हाम्रो बसबाहिरको कुरा त कसरी समाधान गर्न सक्छौँ र, होइन र ?
हाम्रा मागहरु सम्बोधन गरियोस् । होइन भने, व्यवस्थापनलाई हाम्रो आन्दोलन थप भारी पर्ने निश्चित छ ।
(अर्थ सरोकारले राजिनामा बुझाएका ३ जनासँग गरेको कुराकानीमा आधारित)
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: