">
काठमाडौँ । सामाजिक सञ्जाल ट्वीटर (हाल एक्स)को बजार मूल्यमा ५५ प्रतिशतको गिरावट आएको छ । गतवर्ष अक्टोबरमा विश्वकै धनाढ्य व्यक्ति एलन मस्कले ४४ अर्ब डलरमा खरिद गरेको ट्वीटरको बजार मूल्य एक वर्षमै ५५ प्रतिशतले घटेर १९ अर्ब डलरमा पुगेको हो ।
तर, एक्सका सिईओ एलन मस्कले भने हाल को मूल्यमा भारी गिरावट आए पनि भविष्यमा यसले बजारमा राम्रो प्रभाव पार्ने दाबी गरेका छन् ।
यसो त मस्कले ट्वीटर (हाल एक्स) खरिद गर्नु अघि नै आफूले वास्तविक मूल्यभन्दा बढी मूल्य तिर्न लागेको स्वीकारेका थिए । माइक्रोब्लगिङ साइटका रुपमा परिचित ट्वीटर खरिद गरेपछि मस्कले यसमा थुप्रै परिवर्तनहरु गरेका छन् ।
मस्कले खरिद गरेपछि पछिल्लो एक वर्षमा एक्सको बजार मूल्यसँगै आम्दानी पनि घटेको छ । अन्तराष्ट्रिय सञ्चारमाध्यमहरुका अनुसार पछिल्लो एक वर्षमा एक्सको आम्दानी पनि ६० प्रतिशतले घटेको छ ।
