काठमाडौँ । भारतले भूकम्प पीडितका लागि तेस्रो चरणको राहत सामाग्री पठाएको छ । भारतीय प्रधानमन्त्री नरेन्द्र मोदीले गरेको प्रतिवद्धता अनुसार भारतले भारतीय वायुसेनाको सी–१३० विमानमार्फत १२ टनभन्दा बढीको राहत सामाग्री नेपाल पठाएको हो ।
पहिलो रेस्पोन्डरको रुपमा भारतले नेपालका भूकम्प प्रभावित परिवारका लागि भारतीय वायुसेनाको विशेष विमानका तीनवटा फ्लाइटमार्फत ३३ टन आपतकालीन राहत सामग्री उपलब्ध गराएको छ ।
जाजरकोट र रुकुम पश्चिमका भूकम्प प्रभावित परिवारका अत्यावश्यक आवश्यकताहरु पुरा गर्न यस राहत सामग्रीमा त्रिपाल, टारपोलिन सिट, कम्बल, स्लीपिङ्ग ब्याग, अत्यावश्यक औषधी र चिकित्सा उपकरण जस्तैं शल्यचिकित्सा सम्बन्धी उपकरण, पोर्टेबल भेन्टिलेटर तथा सरसफाई सामग्री समावेश थिए ।
विनाशकारी भूकम्पले पारेको प्रभाव न्यूनिकरणका लागि सहयोग हस्तान्तरण गर्दै भारतले आगामी दिनमा पनि आवश्यकता अनुसार जुनसुकै सहयोग गर्न तयार रहेको भारतले जनाएको छ ।
