काठमाडौँ । इरानले आफ्नो देश भ्रमण गर्ने भारतीय पर्यटकहरूका लागि १५ दिनको भिसा–फ्री नीति सुरु गरेको घोषणा गरेको छ । नयाँ आदेश अन्तर्गत भारतीय नागरिकहरूलाई प्रत्येक छ महिनामा एक पटक साधारण राहदानीको साथ इरानमा प्रवेश गर्न अनुमति दिइने र अधिकतम १५ दिनको भिसा फ्री गर्ने घोषणा गरेको भारतस्थित इरानी दूतावासले जनाएको छ ।
भिसा उन्मूलन इस्लामिक गणतन्त्र इरानको क्षेत्रमा पर्यटन उद्देश्यका लागि प्रवेश गर्ने व्यक्तिहरूलाई मात्र लागू हुने जनाइएको छ । ‘यदि भारतीय नागरिकहरू लामो अवधिको लागि बस्न चाहन्छन् वा छ महिनाको अवधि भित्र धेरै पटक जान चाहन्छन् भने उनीहरूले भारतमा इस्लामिक गणतन्त्र इरानको सम्बन्धित प्रतिनिधिहरू मार्फत आवश्यक भिसा प्राप्त गर्नुपर्छ ।’, विज्ञप्तिमा भनिएको छ ।
यो स्वीकृतिमा उल्लिखित भिसा उन्मूलन विशेष गरी हवाई सीमाबाट मात्र देश प्रवेश गर्ने भारतीय नागरिकहरूमा लागू हुन्छ । इरान विगत केही महिनामा भारतीय पर्यटकहरूलाई भिसामुक्त पहुँच दिने सबैभन्दा नयाँ देश बनेको छ । भियतनाम, थाइल्यान्ड, श्रीलंकाले पनि भारतीय पर्यटकका लागि भिसा नियम सहज बनाएका छन् ।
गत वर्षको सुरुमा, मलेसियाका प्रधानमन्त्री अनवर इब्राहिमले भारत र चीनका आगन्तुकहरूलाई डिसेम्बर १ देखि मलेसियामा ३० दिन भिसामुक्त प्रवेश दिइने घोषणा गरेका छन् ।
उनले भिसा छुट अझै पनि अपराध वा हिंसाको रेकर्डको लागि सुरक्षा जाँचको अधीनमा छ । त्यस्तै, थाइल्याण्डले नोभेम्बर १० देखि भारतीय पर्यटकहरूलाई ६ महिनासम्म भिसा–मुक्त प्रवेश अनुमति दिने घोषणा गरेको स्थानीय सञ्चारमाध्यमले जनाएका छन् । थाई क्याबिनेटको निर्णय पछि यो घोषणा गरिएको हो, जसले भारत र ताइवानका पर्यटकहरूलाई ३० दिनसम्म थाइल्याण्डमा बस्नको लागि प्रवेश भिसा आवश्यक पर्नेबाट छुट दिने सहमति गरेको थियो। यसबाहेक श्रीलंकाले भारत, चीन र रुसलगायत सात देशका पर्यटकलाई भिसामुक्त प्रवेश अनुमति दिएको छ ।
