काठमाडौँ । १३ लाख नक्कली नोटसहित बाराबाट चार जना पक्राउ परेका छन् ।
१३ लाख १६ हजार रुपैयाँ बराबरको नक्कली नोटसहित जिल्ला प्रहरी कार्यालय बाराले चारजनालाई पक्राउ गरेको हो ।
पक्राउ पर्नेमा कोल्हवी नगरका २५ वर्षीय राजन चौधरी, १९ वर्षीय आकाश चौधरी, रौतहटका १९ वर्षीय मोहनबहादुर साह र विहार मोतिहारीका ४० वर्षीय महमद आलम रहेका छन् । उनीहरुलाई सिम्रौनगढ नगरपालिका-९ कचोर्वा, सानो बसवरीया र ठूलो बसवरीयाबाट पक्राउ गरिएको प्रहरीले जनाएको छ ।
प्रहरीका अनुसार पक्राउ परेकाहरुको साथबाट कुल १३ लाख १६ हजार रुपैयाँ बराबरको नक्कली नोट र भारतीय नम्बर प्लेट बिआर ०६ए डब्ल्यु २७५८ नम्बरको मोटरसाइकलसमेत बरामद गरिएको छ । हाल उनीहरुमाथि थप अनुसन्धान भइरहेको प्रहरीले जनाएको छ । पक्राउ परेकाहरुबाट बरामद गरिएको नक्कली नोटः
