काठमाडौं । वैदेशिक रोजगारीका लागि विभिन्न देश पठाईदिने भन्दै रकम ठगी गर्ने तीन जना पक्राउ परेका छन्। पक्राउ पर्नेमा ३६ वर्षीय बिशाल हमाल, ३१ वर्षीय प्रशान्त पण्डित र ४५ वर्षीय शैलेश कुमार झा रहेका छन्।
उनीहरुले आकर्षक तलबको प्रलोभनमा पारेर रकम ठगी गरेका थिए । काठमाडौं उपत्यका अपराध अनुसन्धान कार्यलयका अनुसार बिशाल हमालले दुई जना व्यक्तिलाई अमेरिका पठाईदिने भन्दै १६ लाख ७० हजार ठगी गरेका थिए ।
त्यस्तै, प्रशान्त पण्डितले अष्ट्रेलिया पठाईदिने भन्दै ८ लाख रुपैयाँ ठगी गरेका थिए भने शैलेश कुमार झाले युके पठाईदिने भन्दै ५ लाख ४० हजार रुपैयाँ ठगी गरेका थिए ।
उनीहरुलाई पक्राउ गरी थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ।
