">
काठमाडौँ । राजश्व विभागले विद्युतीय गाडी बिवाईडी बिक्री गर्ने साइमेक्स इंक कम्पनीमा छापा मारेको छ । भन्सार छली गरेर गाडी भित्र्याउने सूचनाका आधारमा विभागले कम्पनीमा छापा मारेको हो ।
कम्पनीमाथि भन्सार र अन्तशुल्क छली गर्न विद्युतीय गाडीको किलोवाट क्षमता घटाएर भन्सार घोषणा गरेको आरोप छ ।
कम्पनीमा छापा मारेको राजश्व विभागले कम्पनीका सम्पूर्ण कागजात जफत गरेको छ भने थप केही कागजात कम्पनीसँग माग गरेको छ । हाल जफत गरिएका कागजातमाथि थप अनुसन्धान भइरहेको विभागका एक अधिकारीले बताएका छन् ।
विभागलाई प्राप्त सूचनाअनुसार कम्पनीले विद्युतीय गाडी आयात गर्दा भन्सार छली गरेको पुष्टि भए ४ अर्ब रुपैयाँ बिगो र जरिवानासहितको कारवाही हुनेछ ।
